Der Schilcher Den Schilcher – wann mas recht betrocht hot unser Hergott extra gmocht nur für´n Steirer als a Gnod, daß er zu jeder Stund wos hot, wia d´ Muatamilch a kloana Bua, z´ Mittog, auf d´ Nocht und in der Fruah. Wanns eahm in Winter feindla friert, und erst in Summer gegn die Hitz als Mittl gegnan lästan Schwitz. Er brauchtn, wanns wo lusti sand, und goar alloan erst gegnan Grant. Er gfreut eahm, ist a Hondl grotn und bei der Stellung zu d´ Suldotn, und gegns Kranksein hilft er besser wia jeder Dokter und Professor. Und muaß onas goar auf Eibiswold, so geht er zerst in Keller holt und loßt si nocha liaber gfolln das gottverfluachte Steuerzohln. Und wos d´ a onpokst umanond, es geht dir leichter von der Hond, ban Koartnspilln, ban Kegelscheibm un bei den hundert Ausweis schreibm. Und goar erst bei die Weiberleut bringt Schilcher erst die rechte Freud, wann ma mit Oana ausredt still, döi zerst net tuan möcht, wia ma will; und is scha gfahlt, muaßt goar zua olln der Hebamm no an Schilcher zohln. Darum, deshalb und derentwegen is holt der Schilcher recht a Segn.